Cun il 0:1 cunter la Spagna ha la Svizra dà la mesadad dals gieus da la Nations League – ed ella resta cun mo in punct or da trais gieus a la fin da la tabella. Uss hai num dar cunter la relegaziun.
Il sulet gol da la partida sajettan ils Spagnols gia en la 14avla minuta. Mikel Oiarzabal da Real Sociedad San Sebastian marca suenter in sbagl en la defensiva svizra. En tut han ils Spagnols gì cleramain pli bleras schanzas ch'ils Svizzers. Cunzunt l'offensiva svizra n'ha betg persvadì.
Stretga victoria tudestga
En la gruppa svizra ha la Germania cuntanschì en il terz gieu l'emprima victoria. Ils Tudestgs han gudagnà a Kiew cunter l'Ucraina che ha stuì desister da plirs giugaders – cun 2:1. Il mardi frunta la Svizra lura a Köln sin la Germania.