La equipa naziunala da ballape sgola gievgia cun Xherdan Shaqiri, però senza Manuel Akanji direcziun Madrid per il gieu da la Nations-League cunter la Spagna ch'è sonda.
Tar tut ils tests da corona ch'ins haja fatg mesemna, saja mo quel da Akanji stà positiv, ha communitgà l'Associaziun svizra da ballape. Akanji sa chattia en isolaziun e n'haja sco fin qua nagins sintoms.
Xherdan Shaqiri ch'è vegnì testà il glindesdi positiv sin Covid-19 e la mesemna negativ, sto ussa spetgar sin la decisiun da la cumissiun da sanadad da l'UEFA - sch'el dastga giugar cunter la Spagna.
