Siglir tar il cuntegn

Header

Shaqiri cun mascrina.
Legenda: Il giugader da la naziunala sto star en isolaziun e na po betg giugar ils gieus dals proxims dis. Keystone
cuntegn

Naziunala svizra da ballape Xherdan Shaqiri testà positiv sin coronavirus

Xherdan Shaqiri, il giugader da ballape da la naziunala svizra e da Liverpool, è vegnì testà positiv sin il coronavirus. Quai communitgescha l'Associaziun svizra da ballape. Shaqiri fiss per l'emprima giada dapi il zercladur da l'onn passà puspè stà nominà per ils proxims gieus da la naziunala: mesemna cunter la Croazia, sonda cunter la Spagna e mardi cunter la Germania. Uss sto il giugader da Liverpool però ir en isolaziun.

Shaqiri era arrivà il glindesdi en il champ da la naziunala svizra. L'Associaziun accentuescha, che las mesiras da protecziun severas da l'UEFA per las squadras naziunalas sajan vegnidas tegnidas en strictamain dapi ch'i vegnia trenà ensemen. Ils proxims pass en chaussa vegnian sclerids cun las autoritads da sanadad localas.

video
Petkovic: «Igl è malempermaivel che Shaqiri manca»
Or da Sport-Clip dals 06.10.2020.
laschar ir

RTR novitads 11:00

Artitgels legids il pli savens

Scrollar a sanestra Scrollar a dretga