La naziunala Svizra da dunnas na po betg ir proxim onn al campiunadi mundial da ballape en Frantscha. Ellas han dà in pari 1:1 en il gieu cunter il Pajais Bass. Ma quai na tanscha betg per ellas suenter ch'ellas avevan pers l'ultim gieu cunter las Neerlandaisas 0:3.Il gol per la Svizra ha sajettà Coumba Sow, la sora dal giugader dals Young Boys, Djibril Sow.
Las Svizras èn stadas a partir da l'8avla minuta en avantatg, perquai ch'ina da las Neerlandaisas era vegnida visada da la plazza. Ellas n'han dentant betg pudì nizzegiar l'avantatg.
Ultim gieu cun trenadra Voss-Tecklenburg
Per las Svizras èsi stà l'ultim gieu cun la trenadra naziunala Martina Voss-Tecklenburg. Suenter prest set onns turna la trenadra tudestga puspè sco trenadra naziunala en Germania.
RR novitads 21:00