Cun la partida da qualificaziun encunter la Lettonia cuntinuescha per la Svizra la campagna da qualificaziun per il campiunadi mundial da ballape l’onn 2018 en Russia.
Fin qua e la prestaziun Svizra stada senza macla. Las emprimas quatter partidas da qualificaziun per il proxim campiunadi mundial ha la Svizra tuttas gudagnà. Era il duel encunter il campiun d’Europa, il Portugal, ha la Svizra gudagnà.
Sulet las equipas a la testa da la tabella sa qualifitgeschan directamain per il campiunadi mundial l’onn 2018. Las equipas sin plazza dus han da giugar la barrage. Per la Svizra èsi perquai impurtant da restar a la testa da la tabella. Tut auter ch'ina clera victoria encunter la Lettonia fiss ina gronda dischillusiun. La Lettonia ha gudagnà fin qua mo ina da las quatter partidas da qualificaziun. Quai encunter l'Andorra.
RR actualitad 17:00