La campiunessa mundiala dal mountainbike, Jolanda Neff, mida sin proxima stagiun equipa ed era disciplinas. Suenter dus onns tar l’equipa polonaisa Kross mida la ciclista da 25 onns tar l’equipa americana Trek.
Neff sa concentrescha l'onn proxim betg mo sin sia disciplina da parada mountainbike (campiunessa mundiala 2017, campiunessa d'Europa 2018 e victura dal classament general da la cuppa mundiala). En sia nova equipa fa Neff er part a l'equipa da las cursas da velo sin via e da las cursas da ciclissem champester.
