En la prolungaziun dal gieu decisiv da la seria ha Carolina gudagnà cun 4:3. L'attatgader Brock McGinn ha sajettà il gol decisiv en la 92avla minuta. Per ils Hurricanes è quai l'emprima victoria en ina seria da playoff dapi il 2009.
Uss cunter ils New York Islanders
Tant l'attatger da Carolina, Nino Niederreiter, sco er il defensur da Washington, Jonas Siegenthaler, han mussà prestaziuns persvadentas. Il Grischun Niederreiter è stà 31 minutas sin il glatsch.
En il quartfinal spetgan uss ils «New York Islanders» sin Niederreiter e ses club. Tar ils Islanders è il defensur svizzer Luca Sbisa stà las ultimas emnas danvanz. Ils Islanders han gudagnà lur seria d'otgavel final gist cun 4:0 cunter ils Pittsburgh Penguins.
RR novitads 10:00