Nico Rosberg gudogna e gudogna

Il pilot da Mercedes dominescha er la quarta cursa da la stagiun da furmla 1. El gudogna il Grond premi da la Russia a Sotschi.

Nico Rosberg fa in sigl sin il podest (Grond premi da la Russia a Sotschi) Bild in Lightbox öffnen.

Legenda da maletgs: Nico Rosberg po puspè festegiar Keystone

  • 1. Nico Rosberg (Mercedes)
  • 2. Lewis Hamilton (Mercedes)
  • 3. Kimi Räikkönen (Ferrari)

Quai è la rangaziun da la quarta cursa da la stagiun da furmla 1. Il Tudestg Nico Rosberg è quasi stà senza concurrenza. El è partì bain ed è charrà cun in tempo che nagin dals concurrents n'ha pudì seguir.

Lewis Hamilton ch'era partì sco 10avel ha mussà ina show remartgabla. Entras sia cursa agressiva ha el pudì s'avanzar fin sin il segund plaz.

Per Sebastian Vettel è la cursa stada a fin gia suenter l'emprima runda, respectivamain suenter la terza storta. Daniil Kwjat è sfratgà duas giadas en la part davos da ses Ferrari, uschia che Vettel ha stuì dar si. Kwjat ha survegnì in chasti da 10 secundas.

Ils dus pilots da Sauber han, sco spetgà, fatg nagins puncts. Il Svedais Marcus Ericsson ha terminà la cursa sin posiziun 14 e Felipe Nasr sin posiziun 16.

RR novitads 16:00