Naziunal/Internaziunal - Niederreiter cun ses emprim gol en ils playoffs
Il Grischun Nino Niederreiter ha sajettà ses emprim gol da playoff en questa stagiun per ses club Minnesota Wild en la NHL. Minnesota ha battì ils St. Louis Blues cun 3:0 e Niederreiter ha sajettà il terz gol curt avant la fin en il gol vit.
Per Nino Niederreiter èsi stà ses 25avel gol en questa stagiun. La davosa stagiun aveva l’attatgader da 22 onns sajettà en 13 gieus da playoff 3 gols ed en tut sajettà 17 gols.
En la seria da playoff otgavelfinal maina Minnesota Wild encunter St. Louis cun 2:1.