Nino prest en medema sfera sco Roger?

Nino Schurter è da las prestaziuns sportivas da cumparegliar cun Roger Federer. Il mountainbiker sursilvan è vegnì per la sisavla giada campiun mundial. Ha gudagnà tut las cursas da la cuppa mundiala da quest onn. Era trais medaglias olimpicas ha el en stgaffa.

Laschar ir video «Nino Schurter vs. Roger Federer»

Nino Schurter vs. Roger Federer

1:24 min, Actualitad video dals 12.9.2017

Tut ils titels pussaivels da mountainbike ha Nino Schurter gia gudagnà. El è vegni 6 giadas campiun mundial, ha gudagnà trais medaglias a gieus olimpics, ina giada aur. Quest onn ha el lu era anc gudagnà tut las sis cursas da la cuppa mundiala.

«  Da la prestaziun sportiva ennà è Nino almain quai che Roger Federer è en il tennis. »

Giusep Fry
manager da Nino Schurter

Tuttina n'è el betg en la sfera da Federer

Era sche Nino Schurter è enconuschent en blers lieus sin tut il mund,na vegn el betg da cuntanscher la popularitad d'in Roger Federer. Perquai ch'il sport da tennis è sez bler pli popular ch'il sport da mountainbike. Ma era sche Nino Schurter na survegn betg tals contracts e pajaments sco Federer, viva el fitg bain. Giusep Fry, il manager dal mountainbiker Sursilvan, di ch'els vegnian da negoziar megliers contracts grazia a las victorias. Pli gronda che la renconuschientscha saja e pli gronda la valita commerziala.