Siglir tar il cuntegn

Header

Navigaziun

Dus mountainbikers.
Legenda: Avant in onn era Nino Schurter anc ensemen cun Matthias Stirnemann a la cursa Cape Epic. Keystone
cuntegn

Naziunal/Internaziunal Nino Schurter cun ulteriur success

Il mountainbiker Nino Schurter ha cumenzà cun success il Cape Epic en l’Africa dal Sid. Ensemen cun Lars Forster gudogna el l’emprima etappa, suenter ch’els eran gia stads ils sperts dal prolog.

Suenter il prolog da la dumengia, ha Nino Schurter er gudagnà il glindesdi ensemen cun ses collega da team Lars Forster l’emprima etappa sur 111 kilometers a Hermanus. Suenter duas dad otg etappas maina il duo svizzer cun Schurter e Forster il classament – cun in avantatg da radund trais minutas e mesa sin il Tudestg Manuel Fumic che parta ensemen cun il Brasilian Henrique Avancini.

Il Cape Epic, che vegn era numnà il Tour de France dal mountainbike, vala sco la pli dira cursa d’etappas en il sport da mountainbike. Nino Schurter ha gia gudagnà avant dus onns questa cursa en l’Africa dal Sid, lura ensemen cun Matthias Stirnemann.

RR novitads 11:00