Siglir tar il cuntegn

Header

video
Il HCD batta ils SCL Tigers suenter prolungaziun
Or da Sport-Clip dals 03.01.2020.
laschar ir
cuntegn

NLA HCD cun segunda victoria aifer 24 uras

Ulteriura victoria per il Club da Hockey da Tavau. Il HCD batta ordaifer ils SCL Tigers cun 2:1 suenter prolungaziun. Tedenby ha sajettà il gol decisiv suenter be 27 secundas en la prolungaziun. Avant hai durant dus terzs dà nagins gols. En la 46avla minuta ha Palushaj (HCD) avert il score cun il 1:0 en powerplay. En la 51avla minuta è gartegià a Maxwall in «shorthander» al 1:1.

En la tabella è Tavau uss sin plazza 3 cun 58 puncts, be in punct davos il leader Zug.

Terza victoria cunter ils Tigers

Ils da Tavau han gia giugà duas giadas questa stagiun cunter la squadra bernaisa - duas giadas hai dà ina victoria per il HCD. L'emprima partida ordaifer ha il HCD gudagnà cun 1:0 grazia ad in gol da Marc Wieser en la prolungaziun, l'entschatta december ha il HCD alura gudagnà a chasa cun 5:3.

Perttu Lindgren è puspè enavos

Da la partida per il HCD è puspè Perttu Lindgren – il Finlandais aveva manchentà pervia dad ina blessura la Cuppa Spengler. En sia emprima partida ier suenter sia pausa ha il topscorer dal HCD gist sajettà suenter 12 minutas l'emprim gol per il club da hockey da Tavau.

Ils ulteriurs resultats: Lugano batta Friburg cun 4:2, Zug perda cunter Genevra cun 1:5, Bienna perda cunter Losanna cun 4:5 suenter sajettar penaltis ed ils Lakers battan Berna cun 3:2 suenter sajettar penaltis.

Hockey tabella liga naziunala A



gieusgolspuncts
1.Zug49
146:120
90
2.ZSC Lions
49162:123
88
3.Tavau49154:139
86
4.Genevra49134:115
86
5.Bienna49149:140
78
6.Friburg49121:130
73
7.
Losanna
49
133:129
72
8.
Lugano49
124:135
69
9.Berna
49
129:139
68
10.Ambri
49116:135
60
11.SCL Tigers
49113:146
60
12.Lakers49
126:156
52

RTR novitads 23:00