Il duel da persecuziun tratner Genevra ed il Club da Hockey da Tavau è ì a fin cun in 3:2 en la prolungaziun. Quai malgrà ch'ils da Genevra èn anc stads en dischavantatg 46 secundas avant ch'il temp regular è ì a fin. Noah Rod ha pudì gulivar al 2:2. En la prolungaziun ha Tommy Wingels pudì far cler la chaussa.
Buna prestaziun dals golis
Reclama per sasez han ils dus golis fatg ch'èn la proxima stagiun probablamain collegas da team a Tavau e vegnan a sa duellar per la posiziun 1. Joren van Pottelberghe (36 paradas) ha ditg guardà or sco il victur dal duel da golis, ha dentant incassà dals ultims 5 sajets sin il gol 2 puks. Robert Mayer (25 paradas) ha gì in toc pli pauc da far che ses collega Pottelberghe.
Grazia a la victoria ha Genevra pudì sminuir la distanza tar Tavau sin la tabella. Omadus teams èn uss 3 puncts davos il leader, ils ZSC Lions. Tavau è anc adina l'equipa cun ils pli paucs gieus.
Hockey tabella liga naziunala A
| gieus | gols | puncts | ||
| 1. | Zug | 49 | 146:120 | 90 |
| 2. | ZSC Lions | 49 | 162:123 | 88 |
| 3. | Tavau | 49 | 154:139 | 86 |
| 4. | Genevra | 49 | 134:115 | 86 |
| 5. | Bienna | 49 | 149:140 | 78 |
| 6. | Friburg | 49 | 121:130 | 73 |
| 7. | Losanna | 49 | 133:129 | 72 |
| 8. | Lugano | 49 | 124:135 | 69 |
| 9. | Berna | 49 | 129:139 | 68 |
| 10. | Ambri | 49 | 116:135 | 60 |
| 11. | SCL Tigers | 49 | 113:146 | 60 |
| 12. | Lakers | 49 | 126:156 | 52 |
Las ulteriuras partidas:
- Ambri – Lugano 7:2
- Friburg – Bienna 3:2
- Losanna – Zug 0:3
- SCL Tigers – Lakers 2:1
- ZSC Lions – Berna 1:4
RTR novitads 20:00