Siglir tar il cuntegn

Header

Goli dal canada
Legenda: L'equipa dal Canada è campiun mundial 2015. Reuters
cuntegn

Naziunal/Internaziunal Nov campiun mundial da hockey è Canada

Cun ina suverana victoria da 6:1 cunter la Russia daventa il Canada campiun mundial a Prag.

L’equipa da hockey dal Canada è nov campiun mundial da hockey. En il final cunter l’equipa da la Russia gudogna il Canada cun 6 ad 1. L’equipa dal Canada ha dominà la partida a Prag ed ha gudogna a quests campiunadis mundials tut las partidas suenter il temp regular da 60 minutas.

Ils Stadis Unids da l'America gudognan bronz

En la partida per la plazza trais perda l’equipa locala la Tschechia cunter l'equipa dals Stadis Unids da l'America cun 0 a 3.
Uschia gudognan l’equipa dals americans la medaglia da bronz als campiunadis mundials a Prag.

Record d’aspectaturs

Il campiunadi mundial da hockey en Tschechia è ì a fin cun in nov record. Passa 741’000 persunas han persequità il turnier. Quai sajan passa 11’000 fans en il stadion tar mintga gieu communitgeschan ils organisaturs.

RR novitads 22:00/7:00

Artitgels legids il pli savens

Scrollar a sanestra Scrollar a dretga