Il Club da hockey da Tavau reagescha sin la lunga glista da blessads en la defensiva ed engascha per immediat il defensur Tomas Kundratek. Quai ha communitgà il club. Tut tenor gioghia el gia quest venderdi cunter il SC Berna.
Il Tschec Kundratek ha 29 onns ed ha giugà il december passà a la Cuppa Spengler cun HC Ocelari Trinec. Ordavant ha el tranter auter giugà 30 partidas en la NHL e 171 en la KHL.
Kundratek è giugader naziunal da la Tschechia ed ha suttascrit tar il HCD in contract fin la fin da la stagiun.
RR novitads 10:00
