Siglir tar il cuntegn

Naziunal/Internaziunal Nov record svizzer en la staffetta da 4 x 100 m

Al meeting d'atletica leva a Losanna ha la staffetta svizra da 4 x 100 meters da las dunnas fatg in nov record svizzer.

Las curridras da record: Mujinga Kambundji, Salome Kora, Sarah Atcho e Ajla Del Ponte (da san.) cun fluras.
Legenda: Las curridras da record: Mujinga Kambundji, Salome Kora, Sarah Atcho e Ajla Del Ponte (da san.) Keystone

Aijla Del Ponte, Sarah Atcho, Mujinga Kambundji e Salome Kora èn curridas ils 4 x 100 m en 42 secundas e 53 tschientavels. Il nov record è per 34 tschientavels megliers ch'il vegl.

Cun quest temp pon las quatter Svizras era concurrer sin nivel internaziunal. Pli sperts che las Svizras èn quest onn stads be ils quartets dals Stadis Unids, da la Jamaica e da la Germania.

Grazia al nov record vegnan las curridras svizras pli segir a pudair sa participar definitivamain als campiunadis mundials a Londra. Là pon las 16 meglras naziuns ir a la partenza. La procedura da participaziun è però cumplitgada. Otg naziuns èn gia sa qualifitgadas als campiunadis mundials sin las Bahamas. Tar tschellas otg naziuns decida il meglier temp.

RR novitads 06:00