Pertutgà dals pli novs scandals èn sco i para 30 clubs che dattan oravant tut en la terza e quarta liga. Quests clubs duain avair manipulà numerus giugaders durant il davos campiunadi. Passa 50 giugaders, trenaders e responsabels èn vegnids arrestads. A passa 70 persunas vegn dà la culpa pervia da cunvegnas scumandadas.
Tar las examinaziuns da la procura publica anti-mafia da la citad Catanzaro è vegnì constatà ch’i ha dà scumbigls tranter managers da ballape e mafiosis. Plinavant duai er dar colliaziuns tar commembers da la mafia ‘Ndrangehta en la Calabria.
RR novitads 12.00