Naziunal/Internaziunal - Novak Djokovic entra en il quartfinal
Novak Djokovic è en il quartfinal dal turnier da Grand Slam a Wimbledon. En il gieu ch'era vegnì interrut ier pervi da la stgiradetgna e che ha cuntinuà oz, ha il numer 1 dal mund battì il sidafrican Kevin Anderson cun 6:7, 6:7, 6:1, 6:4 e 7:5.
En il set final n'èsi reussì ni ad in ni a l'auter da far in break fin al 5:5. Lura ha Anderson quasi regalà il gieu a Djokovic cun far dus sbagls dubels.
En la proxima runda frunta Djokovic sin il victur da l'US Open da l'onn passà, Marin Cilic.
