Damaun cumenza a Palermo il turnier da tennis WTA. Pervia dad in’inflammaziun sto Timea Bacsinszky desister dal turnier. Quai ha communitgà la giugadra da tennis svizra. Il numer 84 dal mund vegn pli probabel en l'emna avant l'US Open tar il turnier a New York a turnar.
Al turnier sin sablun sa participeschan uschia be duas Svizras: Jil Teichman frunta sin l’Australiana Daria Gavrilova. Stefanie Vögele frunta sin la Tudestga Anna-Lena Friedsam.
Emprim titel per Ferro sin stgalim WTA
Fiona Ferro ha gudagnà il turnier da WTA a Losanna. La giuvna da 22 onns ha gudagnà en il final cunter il numer 3 e set onns pli veglia cumpatriota Alizé Cornet. En il final ha la Franzosa battì en 101 minutas Alizé Cornet en trais sets cun 6:1, 2:6 e 6:1. Per Ferro èsi l'emprim titel sin stgalim da WTA insumma. Sin la glista da rangaziun mundiala vegn Ferro grazia a questa victoria a sa classar enturn il plaz 60.
RR novitads 14:00+