Naziunal/Internaziunal - Orica gudogna cursa d’equipa al Giro
Simon Gerrans è l’emprim leader dal Giro d'Italia 2015 e parta uschia damaun en la Maglia rosa. Gerrans ha gudagnà oz cun ses team Orica-Greenedge l’emprima etappa, ina cursa d'equipa encunter l'ura sur 17,6 kilometers da San Lorenzo al Mare fin San Remo.
Il team australian è stà 7 secundas pli spert ch'il team Tinkoff-Saxo cun il leader spagnol Alberto Contador e 13 secundas pli spert ch'il team casac Astana. Ina buna prestaziun ha er il team svizzer IAM mussà cun il 6avel plaz ed in retard da sulettamain 25 secundas.
