Siglir tar il cuntegn

Naziunal/Internaziunal Orlik gudogna sia terza festa da lutga

Armon Orlik ha gudagnà la festa da lutga glarunais-grischuna. Il lutgader da 21 onns ha battì en il final il retg da lutga Arnold Forrer en l'ultima secunda. Cun in «schlung» ha Forrer ristgà tut, il Grischun ha dentant pudì far il conter e gudagnà.

Il victur Armon Orlik cun il taur «Spartacus».
Legenda: Il victur Armon Orlik cun il taur «Spartacus». schlussgang.ch, R. Eicher

Gia en la quarta runda èn els dus fruntads in cunter l'auter. Lura han els fatg in pari. Orlik ha uschia gudagnà la terza festa en sia carriera, la segunda festa da quest onn suenter la festa da lutga da la Turgovia.

Record singular per Forrer

Era sch'el ha pers ha Arnold Forrer scrit istorgia. Cun gudagnar in cranz ha el cuntanschì in nov record. Forrer ha gudagnà ses 137avel cranz. El ha uschia surpassà Hanspeter Pellet che ha fatg 136 cranz en sia carriera. Il retg da lutga da Nyon dal 2001 ha tranter auter gudagnà 6 cranz federals. Forrer è dentant anc activ e po uschia gudagnar ulteriurs cranz per extender il record.

RR novitads 20:00