Orlik spetga anc d’entrar el rudè da resgim

Il lutgader grischun Armon Orlik desista da sa participar a la festa chantunala da lutga dal Son Gagl, che ha lieu la dumengia che vegn a Rapperswil-Jona.

Il lutgader Armon Orlik Bild in Lightbox öffnen.

Legenda da maletgs: Armon Orlik l’avust 2016 durant la festa da lutga sin la Schwägalp. Keystone

Pervi da pli pitschens mals na veglia el betg far preschas, scriva Orlik sin sia pagina da Facebook. Avant diesch dis era il lutgader da Maiavilla sa fatg mal vi da la tatona, a la festa chantunala da l'Argovia a Brugg.

Orlik era crudà en la tschintgavla lutga cunter Bruno Gisler a moda disfortunada sin il chau, ed era restà per in mument immobil per terra. Suenter che gidanters al avevan tractà sin il plaz, aveva el pudì star si sez e signalisar ch’el sa sentia pulit. L'examinaziun en il spital gist suter la festa aveva però mussà ch'i n'è nagut nausch. A la fin da la festa chantunala da l'Argovia ha Orlik lura anc retschavì il tschupè d'onur.

RR novitads 21:00