Out per il meniscus da Federer

Roger Federer manchenta ils turniers dad ATP a Rotterdam e Dubai. Quai pervi ch'el haja stgarpà il meniscus - sco il giugader da tennis ha communitgà via facebook

Roger Federer sin la plazza da tennis. Bild in Lightbox öffnen.

Legenda da maletgs: Out per Federer - in meniscus stgarpà sforza il numer 3 ad ina pausa da pliras emnas. Keystone

In di suenter ses out en il mezfinal da l’Australian Open ha Roger Federer stgarpà il meniscus. Tenor ses agent american, Tony Godsick, stoppia Federer laschar far ina artroscopia. Pervi da sia blessura è Federer sfurzà, da far ina pausa da pliras emnas.

Federer ha da renunziar sin Rotterdam e Dubai

Uschia vegn el a manchentar cun ils turniers dad ATP a Rotterdam e Dubai dus da ses «turniers absolutamain preferids» sco che Roger Federer di en in statement uffizial. El haja dentant buna speranza: «Ils medis punctueschan, che l’operaziun è stada in success. Cun ina buna preparaziun vegn jau da turnar bainprest.»

I want to inform you that yesterday I underwent arthroscopic surgery on my knee. I injured my knee the day after the...

Posted by Roger Federer on Mittwoch, 3. Februar 2016

Federer quinta da returnar al turnier dad Indian Wells en ils Stadis Unids sin il tur dad ATP.

RR novitads 12:00