L'emprim gol è crudà gia en la 14avla minuta. Brahimi ha fatg il gol cun in culp liber. En la segunda mesadad han sajettà ils gols en la 47avla minuta Herrera, en la 56avla minuta Casemiro (culp liber) ed en la 76avla minuta ha Aboubakar sajettà il 4:0. Per Marco Streller va uschia la carriera sin plaun internaziunal gia a fin.
Record per Ronaldo
Blers gols hai dà en il segund gieu da questa saira. Real Madrid ha pers a chasa cunter l'FC Schalke cun 3a4. Grazia a la victoria da 2a0 d'avant duas emnas stat Real en il quartfinal da la Champions League. Cristiano Ronaldo ha sajettà ils emprims dus gols per ses club. Per el èn quai stà ils gols 77 e 78 en la liga europeica (Champions Leageu e UEFA Cup/Europa League). Ronaldo ha uschia sajetta tants gols sco anc nagin. Il record fin ussa aveva Raul cun 77 gols.
RR novitad 23:00