Siglir tar il cuntegn
Inhalt

Naziunal/Internaziunal Out per Roger Federer en il mezfinal a Schanghai

Federer ha pers en dus sets cun 4:6 e 4:6 cunter il giuven Croat Vorna Coric. En l'entira partida n'è Roger Federer vegnì tar nagin break.

Roger Federer durant in da ses gieus al turnier a Schanghai
Legenda: Roger Federer n'ha betg pudì defender il titel al turnier d'ATP a Schanghai (maletg dal gieu da venderdi). Keystone

Il giuven Croat da 21 onns ha giugà ferm gia davent da l'entschatta. Suenter be 74 minutas è el vegni tar in emprima balla da match ed ha nizzegià quella per sia segunda victoria da quatter gieus encunter Roger Federer. Borna Coric aveva gia gudagnà il final a Halle en Germania. Tar Federer ha la ligerezza usitada mancà suenter quatter partidas entaifer quatter dis.

En il final da dumengia frunta il il numer 19 dal mund, Borna Coric, sin Novak Djokovic che ha gudagnà il mezfinal cun 6:2 e 6:1 cunter Alexander Zverev. Novak Djokovic vegn a surpigliar da Roger Federer glindesdi il numer 2 dal mund.

RR novitads 16:00