La victoria è ida al Spagnol Jorge Lorenzo. Segund e terz èn vegnids ils Talians Andrea Dovizioso e Valentino Rossi. Marc Marquez è sa tschentà en la tschintgavla runda dasper la pista. La finala ha el cuntanschì plazza 16. Tuttina ha il Spagnol pudì defender sia plazza a la testa da la tabella per il campiunadi mundial.
Il pilot svizzer en il GP 2, Dominique Aegerter, vegn sin plazza 12 ed uschia en ils puncts, Gudagnà la cursa da GP 2 ha il Portugais Miguel Oliveira. A Dominique Aegerter è uschia gartegià il comeback suenter ch'el ha stuì desister da duas cursas pervi d'ina fractura da la batschida.
RR novitads 16:00