Naziunal/Internaziunal - Para-Ski: Ir cun skis e siglir cun paracrudader
Per l’emprima giada vegn organisà a Mustér ina concurrenza da la cuppa mundiala da para-Ski – in sport da cumbinaziun cun las disciplinas slalom gigant e siglir cun paracrudader.
Tut en tut ha mintgin da far 6 segls ord in helicopter en l’autezza da 1000 meters cun la finamira da sa tschentar sin in punct central sin ina matta tschentada sin ina plaunca. L’autra disciplina è d’absolver in slalom gigant (2 percurs) a Lai Alv en il territori da skis da Mustér.
audio
Bunura: Cursa da cuppa mundiala a Mustér – disciplina: Para-ski
03:27 min, ord Actualitad dals 26.01.2019.
laschar ir. Durada: 3 minutas 27 Secundas.
audio
Saira: Co l'emprima cursa da cuppa mundiala da para-ski a Mustér è stada …
06:47 min, ord Sportissimo dals 26.01.2019.
laschar ir. Durada: 6 minutas 47 Secundas.
Para-Ski è naschì en il Grischun
Sias ragischs ha quest sport da Para-Ski en il salvament alpin. Pli baud salvavan paracrudaders persunas tschiffadas d’ina lavina en las muntognas. Sin skis vegnivan las persunas blessadas lura manadas a val. I na duvrava pia betg mo buns skiunzs, mabain era paracrudaders cun rutina ed experientscha che vegnivan da sa tschentar exact en il lieu d’accident. Uschia è naschia questa disciplina.
L’emprima concurrenza da Para-Ski è stada il 1963 a Flem. 10 onns pli tard, il 1973, ha Flem era manà atras l’emprima concurrenza internaziunala da la cuppa mundiala.
1 / 7
Legenda:
1000 meters sur Mustér èsi da siglir en il nagut.
RTR, Andreas Wieland
2 / 7
Legenda:
Siglir ord il helicopter – 1000 meters sur il terren.
RTR, Andreas Wieland
3 / 7
Legenda:
Pigliar en mira la matta.
RTR, Andreas Wieland
4 / 7
Legenda:
En mira: La matta sin la plaunca.
RTR, Andreas Wieland
5 / 7
Legenda:
Ed i gartegia.
RTR, Andreas Wieland
6 / 7
Legenda:
Lura vinavant tar il proxim da total 6 sigls.
RTR, Andreas Wieland
7 / 7
Legenda:
Il vicepresident da la cuppa mundiala da para-ski Andi Duff a Mustér.
RTR, Andreas Wieland
