Paris – Roubaix senza Cancellara

Mo er senza Fabian Cancellara resta Paris Roubaix cun ses numerus tschancuns sin vias miserablas cun sulada ina cursa spectaculara.

Velocipedist tegna bratscha en l'aria sco gesta da victoria Bild in Lightbox öffnen.

Legenda da maletgs: Il victur tudestg John Degenkolb. Keystone

Gudagnà quella ha il tudestg John Degenkolb. Trais emnas suenter ch'el ha gudagnà Milano - Sanremo ha Degenkolb gudagnà in ulteriur uschenumnà monument dal sport da velo. Degenkolb ha gudagnà il sprint d'ina gruppa da sis avant il tschec Zdenek Stybar ed il beltg Greg van Avermaet. Er vegnì en l'arrivada en la gruppa da testa è il campiun svizzer Martin Elmiger ch'è vegnì 5avel.

Bradley Wiggins

Na betg en la gruppa da testa è Bradley Wiggins stà. L’emprim englais ch'ha gudagnà il Tour de France ha terminà sia carriera da velo sin via cun la cursa da Paris - Roubaix. Wiggins è quatterdubel campiun olimpic vul dentant cuntinuar sin la pista e sa participar l’onn che vegn in'ulteriura giada a gieus olimpics a Rio de Janeiro.

Sportissimo 17:00