Siglir tar il cuntegn
cuntegn

Naziunal/Internaziunal Paris triumfescha er en super-G da Bormio

Il Talian ha gudagnà suenter la cursa rapida da venderdi er il super-G da Bormio. El ha gudagnà in tschientavel secunda avant l'Austriac Matthias Mayer. Quai è l'11avla victoria en la cuppa mundial per Dominik Paris.

Purtret da Dominik Paris.
Legenda: Dominik Paris gudogna suenter la cursa rapida da venderdi er il super-G a Bormio. Keystone

En il super-G è quai la segunda victoria per Dominik Paris. Il terz um sin il podest è il Norvegiais Aleksander Kilde, lez ha pers 0,46 secundas sin l'emprim. Beat Feuz è sco 6avel il meglier Svizzer en il super-G. Per vegnir sin il podest han mancà a Feuz quatter tschinetavels.

Dasper Feuz han er Marco Odermatt e Mauro Caviezel dumagnà tranter ils top 10. Odermatt ha cuntanschì cun il numer 34 sco 8avel en l'arrivada. Quai è ses segund meglier resultat en la cuppa mundiala suenter ch'el è stà 7avel en il slalom gigant da Val d'Isère. Caviezel è quest onn gia duas giadas stà sin il podest dal super-G, oz è el stà 10avel. Er mussà ina buna cursa ha sco 15avel Gilles Roulin.

RR novitads 14:00