Siglir tar il cuntegn

Naziunal/Internaziunal Partenza ideala per Federer

Roger Federer ha gudagnà l’emprim gieu dals ATP Finals a Londra cunter l’American Jack Sock en dus sets cun 6:4 e 7:6.

Roger Federer en acziun
Legenda: A Roger Federer è la partenza en ils ATP-Finals a Londra reussida. Keystone

Era che Federer ha gudagnà en dus sets e n’ha betg stuì ir sur 3 è impurtant, pertge dals ATP-Finals vegn giugà a l’entschatta gieus da gruppa. Cura ch’i va pia per vegnir vinavant en ils mezfinals pon ils sets esser decisivs.

Ma i n’havess betg duvrà uschè bler che Federer avess pers il segund set. En il Tiebreak stevi 4:4 cura che Sock ha fatg in sbagl dubel. Quai è stà ina invitaziun per Federer. Lez ha nizzegià quella ed ha gudagnà il Tiebreak ed uschia il gieu.

La predecisiun è dentant gia curdada gist a l’entschatta dal gieu. A Federer è reussì in break e suenter ha el servì uschè bain che Sock n’ha gì nagina schanza da vegnir sez tar in break.

RR novitads 17.00