Il club englais Manchester United ha communitgà via Twitter ch'els sajan sa cunvegnids cun il FC Everton sin questa summa da transfer. Avant aveva la gasetta englaisa «Guardian» annunzià che Manchester United, cun il trenader José Mourinho, haja offrì supplementarmain 19 milliuns en furma da bunificaziuns. Quai suenter ch'il FC Chelsea aveva medemamain vulì pajar 93 milliuns francs per Lukaku, sco pliras medias avevan rapportà.
Segund char transfer
Sch’ils davos pass da transfer gartegian fiss Lukaku il segund char giugader en l'istoria dals «Red Devils». Dapli aveva Manchester United be pajà per Paul Pogba (115 milliuns francs). Romelu Lukaku sto uss anc passar il test medicinal tar Manchester United.
RR actualitad 10:00