Siglir tar il cuntegn

Header

cuntegn

Passlung Johaug cun victoria suverana

Suenter avair gudagnà la mini-tura a Kuusamo l'emna passada, ha la passlunghista norvegiaisa Therese Johaug er dominà il skiatlon a Lillehammer. La curridra da 31 onns ha gudagnà cun in avantatg da passa ina minuta sin la segunda, l'Americana Jessica Diggins. Per Johaug è quai la 57avla victoria en la cuppa mundiala. Plaz 3 ha fatg Heidi Weng cun 1:19 retard, in'ulteriura Norvegiaisa. Svizras n'èn betg stadas al start.

video
Johaug gudogna cun gronda distanza
Or da sportlive dals 07.12.2019.
laschar ir

Bolschunow avant 5 Norvegiais

Tar ils umens gudogna il Russ Alexander Bolschunow il skiatlon avant ils Norvegiais Hans Christer Holund ed Emil Iversen. Cun quai ha Bolschunow pudì impedir la victoria totala dals Norvegiais. Davos Hans Christer Holund ed Emil Iversen èn numnadamain suandads trais ulterius Norvegiais: Johannes Kläbo, Martin Johnsrud Sundby e Sjur Röthe.

video
La decisiun en il skiatlon dals umens
Or da sportlive dals 07.12.2019.
laschar ir

Meglier Svizzer è Jason Rüesch sin plazza 22 cun radund 3 minutas retard. Jonas Baumann è 31avel.

RTR novitads 14:00

Artitgels legids il pli savens

Scrollar a sanestra Scrollar a dretga