Ils dus passlunghists grischuns Toni Livers e Livio Bieler smettan cun il Tour de Ski . Er lur collegas da squadra Erwan Käser e Lydia Hiernickel na cuntinueschan betg pli cun las cursas a Val di Fiemme. En il classament intermediar suenter quatter etappas na sa chattan nagins dad els tranter ils top 40.
Cunquai èn be pli sis passlunghists ed ina passlunghista da Swiss Ski en acziun. Dario Cologna è sco 12avel classà sco meglier Svizzer. Tar las dunnas va be pli la grischuna Laurien van der Graaff a la partenza.
En il Trentino èn da venderdi enfin dumengia ina cursa en il stil classic cun partenza da massa, in sprint en il stil classic e sco finiziun l’ascensiun sin l’Alpe Cermis sin il program.
audio
Per tadlar: Las noivtads da las 12 uras
ord Novitads dals 02.01.2020.
Maletg: Grafica RTR
laschar ir. Durada: 6 minutas 13 Secundas.
RR novitads 12:00