Siglir tar il cuntegn

Header

cuntegn

Naziunal/Internaziunal Passlung: Toni Livers picla mo las ivettas

Per Toni Livers cumenza la stagiun da passlung pir cun in'emna retard. Il sportist da Trun n'è betg partì l'ultima fin d'emna al mini-tour a Ruka/Kuusamo en Finlanda.

Betg perquai ch'el è stà blessà. Na, Livers ha desistì voluntarmain e parta pir questa fin d'emna al skiatlon ed a la staffetta a Lillehammer en Norvegia. Quai fa part da sia strategia.

audio
Saira: Pertge che Toni Livers vul piclar mo las ivettas
ord Actualitad dals 04.12.2015.
laschar ir. Durada: 2 minutas 28 Secundas.

Mo cun schanzas da far bun resultat

Livers picla mo pli las ivettas e parta mo en questas cursas, nua ch'el ha las pli grondas schanzas da far in bun resultat. Pli paucas cursas, mo persuenter bunas cursas è la devisa.

Tar sias cursas preferidas tutgan las staffettas, lura era las cursas a chasa a Tavau ed il Tour de ski. Lez vul Toni Livers terminar sco gia l'onn passà tranter ils emprims 15.

RR actualitad la saira 17:00

Artitgels legids il pli savens