Patrick Fischer ha nominà ses team

Il coach da l'equipa naziunala da hockey sin glatsch va al campiunadi mundial en la Russia senza Matthias Bieber.

Patrick Fischer, il trenader da l'equipa naziunala da hockey sin glatsch cun ina part da si'equipa Bild in Lightbox öffnen.

Legenda da maletgs: Patrick Fischer ha pront si'equipa per ils campiunadis mundials en Russia Keystone

Malgrà che Matthias Bieber ha fatg il gol decisiv 172 secundas avant la fin dal gieu da preparaziun cunter la Lettonia, n'è el betg nominà per l'equipa che va als campiunadis mundials en la Russia. Er Christoph Bertschy, Romain Leoffel, Tristan Scherwey e Ramon Untersander n'èn betg selecziunads.

Mo dus giugaders da Berna

Il club da Berna ch'è champiun svizzer po trametter mo dus giugaders al CM: il defensur Eric Blum e l'attatgader Simon Moser. In plaz ha Fischer dentant anc reservà per il defensur Roman Josi che gioga il mument anc cun Nashville ils quartfinals dals playoffs en la NHL.
L’ultim gieu da preparaziun avant ils campiunadis mundials è mardi a Basilea cunter la Germania.