Siglir tar il cuntegn

Header

Navigaziun

Purtret da l'equipa che sa legra.
Legenda: Ils New England Patriots han gudagnà il 53avel Super Bowl. Keystone
cuntegn

Naziunal/Internaziunal Patriots gudognan Super Bowl

Cun lur 6avla victoria egualiseschan els uss il record da Pittsburgh che han medemamain 6 victorias.

Ils New England Patriots cun il quarterback Tom Brady han gudagnà la sisavla giada il Super Bowl. Il favurit ha battì ad Atlanta en il 53avel Super Bowl ils Los Angeles Rams cun 13:3. Cun questa victoria han ils Patriots uss egualisà lur victorias cun quellas dals Pittsburgh Steelers che han medemamain 6 victorias e mantegnan il record. Tom Brady ha manà ils Patriots a tuttas 6 victorias, quai n'ha anc nagin dumagnà avant el. Uschia ch'el mantegna ses status da legenda.

Il pli bass score da l'entira istorgia dal Super Bowl

La terza giada suenter 1994 ed il 2000 è Atlanta stà la tribuna per il Super Bowl. 75'000 aspectaturs èn stads al lieu e radund 110 milliuns aspectaturs Americans han guardà live il gieu en la televisiun. Cun 13:3 per New England hai dà ils pli paucs puncts da l'istorgia dal Super Bowl. Enfin uss era la marca la pli bassa quella da l'onn 1974, là ha Miami battì Washington cun 14:7.

RR novitads 06:00