Cun desister d'ina part da la paja duai plinavant vegnir cumpensà ina part da la perdita da las pajas dals ulteriurs 140 collavuraturs cun in engaschi fix. Quels survegnian uschia malgrà la lavur curta lur entira paja. YB ha dapi mardi puspè cumenzà cun il trenament en gruppas.
Tenor il schef da sport Christoph Spycher sajan ins sa cunvegnì fitg svelt er cun l'equipa a questa soluziun. Gia dapi l'entschatta da la crisa da corona sajan tuts sa mussads conscients da la situaziun ed hajan garantì lur solidaritad.