Siglir tar il cuntegn

Header

Navigaziun

Stephan Lichtsteiner e Vladimir Petkovic.
Legenda: Stephan Lichtsteiner e Vladimir Petkovic. Keystone
cuntegn

Naziunal/Internaziunal Per la naziunala svizra vegni serius

Esser da la partida als campiunadis d’Europa l’onn che vegn, quai è la proxima finamira da la naziunala svizra da ballape che cumenza la qualificaziun per quest turnier cunter la Georgia.

En quest emprim gieu a Tiflis sto il trenader naziunal Vladimir Petkovic desister gist sin plirs giugaders da tschep. Xherdan Shaqiri e Haris Seferovic mancan pervia da blessuras ed Admir Mehmedi è malsaun. Quai saja dentant era ina schanza per giugaders ch’èn da nov en il cader svizzer, uschia Petkovic. Da la partida è er puspè il capitani Stephan Lichtsteiner. Dals davos sis gieus da la naziunala è il defensur dad Arsenal stà nominà be ina suletta giada.

L’emprim gieu da qualificaziun ordaifer cunter la Georgia cumenza la sonda a las 15:00 uras. Mardi proxim frunta la naziunala svizra lura a Basilea sin il Danemarc. Ulteriurs adversaris dals Svizzers en questa campagna da qualificaziun èn l’Irlanda ed il Gibraltar.

RR actualitad 08:00