Siglir tar il cuntegn

Header

Navigaziun

Nevin Galmarini.
Legenda: Nevin Galmarini. Keystone
cuntegn

Naziunal/Internaziunal Per Nevin Galmarini è la stagiun a fin

Il snowboardist engiadinais patescha da mal il dies e sto uschia terminar la stagiun pli baud che planisà. Quai ha oz communitgà Swiss-Ski.

Gia als campiunadis mundials a Park City avant bun 10 dis aveva il campiun olimpic stuì dar si gia en la qualificaziun dal slalom parallel pervia da ses problems cun il dies. Galmarini è tuttina sgulà dacurt a Pyeongchang en la Corea dal Sid per sa participar a las cursas da la cuppa mundiala da la fin d’emna. Mo el stoppia prender avant mintga cursa medicaments encunter il mal ed uss haja el sentì ch’il corp dovri ina pausa, uschia il snowboardist da 32 onns.

Nevin Galmarini, ch’ha er gudagnà la stagiun passada la cuppa mundiala generala, na po uschia er betg defender quest titel en la stagiun 2018/2019.

RR novitads14:00