Naziunal/Internaziunal - Per Stefan Engler è in siemi d'uffanza ì en vigur
Enstagl da politisar en Chasa federala a Berna ha il cusseglier dals chantuns Stefan Engler commentà in gieu da la Cuppa Spengler dal HCD cunter il Team Canada. Per Engler ina premiera gartegiada.
Enstagl da discurrer da refurmas, subvenziuns u fusiuns ha il cusseglier dals chantuns Stefan Engler prendì plaz sin la tribuna da medias e discurrì da pucks, checks e gols. Per el è in siemi ì en vigur. Era sche ses team preferì il HCD ha perdì il gieu ha Engler giudì l'experientscha unica.
