Il motiv per la disqualificaziun è il diever da doping durant ils gieus olimpics a Sotschi il 2014. Il bob da quatter persunas cun Kasjanow al timun aveva fatg il quart plaz a Sotschi. In'argumentaziun pli detagliada per la decisiun dal comité olimpic internaziunal (IOC) succedia, scriva la cumissiun displizinaria da l'IOC.
Totalmain èn ussa 22 atlets russ vegnids serrads per vita duranta: bobists, sceletonists, passlunghists, patinunz da sveltezza e sportists da biathlon. Era ils resultats ch'ils pertutgads han cuntanschì a Sotschi il 2014 èn vegnids annullads.
22 atlets per vita duranta – la Russia per ils proxims gieus olimpics?
Proxim mardi vegn l'IOC a prender in'ulteriura decisiun. Numnadamain quella, sche la Russia vegn chastiada cun in exclus dals proxims gieus olimpics en la Corea dal Sid, pervia dal diever da doping sistematic cuvert dal stadi.
RR novitads 14:00