L'equipa naziunala svizra da ballape sa mussa solidarica - ils giugaders ed il trenader Vladimir Petkovic desisten d'ina gronda part dal raps, ch'els avessan dabun il 2020, quai ha communitgà l'Associaziun svizra da ballape.
I va per dapli che 1 milliun francs che duai distgargiar la federaziun, il ballape d'elita ed il ballape da massa en Svizra.
Gia avant duas emnas ha ina gronda part da l'equipa naziunala svizra da ballape fatg ina donaziun a la federaziun svizra dal persunal da tgira.