Siglir tar il cuntegn
Inhalt

Naziunal/Internaziunal Peter Sagan gudogna a Berna

Il ciclist slovac Peter Sagan gudogna la 16avla etappa dal Tour de France ch'ha manà sur 209 kilometers da Moirans-en-Montagne a Berna.

Peter Sagan tira en il tricot verd per il meglier sprinter dal TdF.
Legenda: Peter Sagan tira en il tricot verd per il meglier sprinter dal TdF. Keystone

Il campiun mundial ha gudagnà en il sprint be per paucs centimeters avant il Norvegiais Alexander Kristoff. Ils ciclists svizzers, tranter quels er Fabian Cancellara sco sisavel, n'han gì nagina schanza en il sprint da la gruppa da testa cun 40 ciclists.

Il Brit Chris Froome è vegnì 14avel e resta vinavant a la testa dal Tour de France cun in avantatg dad ina minuta e 47 secundas sin il Hollandais, Bauke Mollema.

La 17avla etappa maina lura la mesemna, suenter il di da ruaus da damaun, sur 184 km da Berna en il Vallais fin il mir da fermada da Finhaut-Emosson.

RR novitads 20:00