Siglir tar il cuntegn

Header

Peter Sagan a la fin da la cursa a Doha.
Legenda: Peter Sagan a la fin da la cursa a Doha. Keystone
cuntegn

Naziunal/Internaziunal Peter Sagan vegl e nov campiun mundial dad ir cun velo

Il Slovac ha per l'emprima giada dapi il 2007 (Paolo Bettini) pudì defender il tricot dal campiun mundial. Quai en la cursa da velo sin via a Doha en il Katar.

En il sprint ha Sagan distanzià il Brit Mark Cavendish ed il Beltg Tom Boonen. Sco meglier Svizzer è Michael Schär sa classà sin plazza 36. Il segund meglier Svizzer è Stefan Küng sin plazza 38. Dad otg Svizzers ch'eran partids en la cursa a Doha èn els dus ils sulets che han terminà ella.

Il victur e campiun mundial Peter Sagan è sta fitg surprais da la victoria dubla. El n'avess mai pensà ch'el vegnia da defender il tricot da campiun mundial, uschia Sagan en l'intervista cun la televisiun suenter la cursa. El haja dentant er gì cletg, uschia Sagan vinavant. Cura che la gruppa a la testa sa saja separada, saja el stà l'ultim che haja anc pudì suandar a quella.

RR novitads 16:00

Artitgels legids il pli savens

Scrollar a sanestra Scrollar a dretga