Siglir tar il cuntegn

Header

cuntegn

Naziunal/Internaziunal Petkovic e Gilliéron crititgeschan fans «maleducads»

Il trenader naziunal Vladimir Petkovic ed il president da la Federaziun da ballape Peter Gilliéron han nagina chapientscha per ils tschivels cunter Haris Seferovic

audio
Saira: Petkovic e Gilliéron crititgeschan fans «maleducads»
ord Actualitad dals 13.11.2017.
laschar ir. Durada: 2 minutas 43 Secundas.

Atgnamain avess l'entira naziun motiv da sa legrar. Per la quarta giada en seria è nossa pitschna Svizra sa qualifitgada per ils campiunadis mundials da ballape. Mo era in di suenter il 0:0 cunter l’Irlanda dal Nord e la qualificaziun fatschentan ils tschivels d’ina part dals agens «fans» cunter l’attatgader Haris Seferovic en il Sankt-Jakob-Park a Basilea. Cun 4 gols e 3 assists è Seferovic stà il capo-sajettagols svizzer en la qualificaziun per ils campiunadis mundials. Sulettamain en il gieu cunter l’Irlanda dal Nord ha l’attatgader naziunal manchentà intginas schanzas da gol. Per ina part dals «fans» motiv avunda da tschivlar, cura ch’el è vegnì remplazzà.

Critica suenter il gieu, mo sustegn durant il gieu

Il trenader naziunal Vladimir Petkovic è irrità da quests tschivels. Suenter il gieu saja il dretg mument per critica constructiva. Durant il gieu dovria l’equipa percunter il sustegn dal public. Era il president da la Federaziun svizra da ballape Peter Gilliéron è malcuntent cun il cumportament d’ina part dal public. Tschivels cunter ils agens giugaders sajan in'atgnadad svizra ed ina nauscha disa.

RR actualitad 17:00

Artitgels legids il pli savens