Siglir tar il cuntegn

Header

Vladimir Petkovic e Peter Stadelmann.
Legenda: Vladimir Petkovic ed il delegà da la naziunala svizra Peter Stadelmann miran communablamain vers l’avegnir. Keystone
cuntegn

Naziunal/Internaziunal Petkovic resta trenader naziunal

La Federaziun svizra da ballape e Vladimir Petkovic èn sa cunvegnids da cuntinuar cun la collavuraziun, quai suenter lungas contractivas. Il contract dal trenader Bosniac-Svizzer da 52 onns è la finala vegnì prolungà fin l’onn 2017.

Sa qualifitgescha la naziunala Svizra per il campiunadi mundial da ballape il 2018 en la Russia, lura trenescha Petkovic ils Svizzers er durant quest turnier.

Il nov contract sa basa sin ils sumegliants puncts sco il vegl contract, uschia communitgescha il SFV. Ulteriurs detagls sco per exempel davart la paja n’ha la Federaziun betg communitgà.

Peter Gilliéron è cuntent

Il president da la federaziun svizra, Peter Gilliéron è cuntent. La prolungaziun da l'engaschi fin il campiunadi mundial il 2018 saja uschia crudada en in bun mument. I saja meglier da far clera chaussa che da laschar nascher memia bleras speculaziuns, uschia Gilliéron.

RR novitads 16.00

sda/aw