Siglir tar il cuntegn

Header

cuntegn

Naziunal/Internaziunal Petra Vlhova gudogna ses emprim slalom gigant

La Slovaca ha gudagnà surprendentamain il slalom gigant da Semmering, davant la Tudestga Viktoria Rebensburg e la Franzosa Tessa Worley. Vlhova ha gia gudagnà quatter giadas in slalom, è fin uss dentant anc mai stada meglra che 7avla en in slalom gigant.

Mikaela Shiffrin che ha anc manà suenter la mesadad, è sa classada sco 5avla. Wendy Holdener è stada meglra Svizra er en il quart slalom gigant da la stagiun, tuttina n'è ella betg stada uschè enavant sco sperà. 8avla è ella stada tar la mesadad, 11avla lura a la fin.

Dasper Wendy Holdener ha sulettamain Andrea Ellenberger dumagnà en il segund percurs. Sco 22avla ha ella pudì far ses emprims puncts en la Cuppa mundiala. Lara Gut n'era betg sa classada per il segund percurs.

RR novitads 15:00

Artitgels legids il pli savens