Piranha Cuira defenda danovamain il titel

Il club dad unihockey da Piranha Cuira è per la quarta giada en roda campiun svizzer. Las dunnas grischunas han gudagnà il superfinal cunter l'UHC Dietlikon cun 5:3. Ils ultims 6 onns ha Piranha gudagnà 5 giadas il titel da campiun svizzer.

Giugadras da Piranha Cuira giubileschan Bild in Lightbox öffnen.

Legenda da maletgs: Il club dad unihockey Piranha Cuira è per la tschintgavla giada campiun svizzer. Keystone

Il capitani Seraina Ulber davart il success da Piranha

1:26 min, dals 24.4.2015

Ellas èn e restan las meglras unihockeyanas da la Svizra, las dunnas da Piranha Cuira èn per la quarta giada en seria campiunessas svizras , per la 5avla giada entaifer ils davos 6 onns. Piranha ha gudagnà a Kloten il superfinal cunter Dietlikon cun 5:3. Passa 7’000 aspectaturs en il stadion da hockey exaust a Kloten han persequità in gieu dramatic, in final ch’è vegnì emess per l’emprima giada live a la televisiun svizra ed er en il livestreaming sin rtr.ch.

Igl è ì piz a cup. Duas giadas è l’equipa da Dietlikon vegnida d’egualisar suenter in retard. Mo en l’ultim terz ha Seraina Ulber procurà per la decisiun. Il capitani da Piranha Cuira ha sajettà il 4:3 ed en l’ultima minuta er anc il 5:3 en il gol vid.

RR sportissimo 17:00