Siglir tar il cuntegn

Header

audio
Mezdi: Stagiun senza macla per Piranhas – double è en vista
Or da Sportissimo dals 23.12.2018.
laschar ir. Durada: 4 minutas 20 Secundas.
cuntegn

Naziunal/Internaziunal Piranha Cuira dominescha la concurrenza

Avant dus mais ha la nova stagiun dad unihoc cumenzà. Las dunnas da Piranha han fin uss gudagnà tut ils gieus.

En l'onn da giubileum da 20 onns constat la furma da las unihockeyanas da Piranha Cuira. 8 gieus, 8 victorias. Fatg 63 gols e survegnì be 18. Cifras impressiunantas. A la fin da la stagiun puspè ir per il double è la finamira avisada. Vul dir, daventar campiunessas svizras ed era triumfar en la cuppa svizra.

Nus avain classa e vulain adina gudagnar
Autur: Seraina Ulber Chapitani Piranha

Sin la nova stagiun hai dà pulitas roschadas tar Piranha Cuira. Numerusas giugaduras han bandunà l'equipa. 4 novas èn vegnidas engaschadas. Bain haja duvrà in temp da sa chattar, di il chapitani Seraina Ulber. Ils resultats mussan dentant, che quai ha funcziunà bain e svelt.

audio
Dominanza da Piranha Cuira
ord Sportissimo dals 18.11.2018.
laschar ir. Durada: 3 minutas 57 Secundas.

Fin d'emna intensiva

En il campiunadi da la liga naziunala A spetga questa fin d'emna Berna-Burgdorf. Il quart en al tabella. E suenter cumbatta Piranha Cuira per vegnir en il mez-final da la cuppa svizra. Vess dad esser nagin problem. Cun Zäziwil spetga in club da la liga B.

Focus Champions Cup

En ils chaus da las unihockeyanas da la chapitala è dentant il grond punct culminant da la stagiun: il mez-final dal Champions Cup. Ils 3 e 4 da schaner vai en Scandinavia. A Gävle spetgan las campiunessas da la Svezia e defensuras dal titel. L'equipa da IKSU Innenbandy saja il meglier che l'unihoc haja da porscher, di Seraina Ulber. Era sch'ins frunta sin il pli ferm adversari pussaivel en quest Champions Cup. La fischa è fitg attractiva e Piranha Cuira trenescha dir e sa prepara minuziusamain sin l'adversari da IKSU.

RR Sportissimo 17:00

Artitgels legids il pli savens