Siglir tar il cuntegn

Naziunal/Internaziunal Plant dad atlets russ – Decisiun spustada

La cumissiun ad hoc dal Tribunal internaziunal dal sport ha spustà la decisiun davart il plant da 32 atlets russ. Curt avant era vegnì enconuschent che 15 ulteriurs atlets veglian s'affiliar al plant.

Il passlunghist Alexander Legkow en dress da passlung da la Russia sin la loipa.
Legenda: Alexander Legkow è in dals Russ che portan plant. Keystone

La cumissiun ad hoc dal Tribunal internaziunal da sport TAS ha suspendì la decisiun davart il plant da 32 atlets russ. Quai suenter che 15 ulteriurs atlets russ han communitgà ch'els portian plant tar il TAS, perquai ch'els èn vegnids exclus dals gieus olimpics a Pyeongchang.

Els èn s'associads al plant da 32 ulteriurs cumpatriots. Malgrà che lur serradas per vita duranta eran vegnidas abolidas dal TAS, ha il Comité olimpic internaziunal refusà a 13 d'els da sa participar als gieus olimpics. Tranter ils accusaders è er il campiun olimpic da passlung, Alexander Legkow.

RR novitads 09:00